Dusenden beedt för de Oppers vun de Tsunami-Golfen

An’n tweten Wiehnachtsdag 2004 beev de Eerd vör dat indoneesche Eiland Sumatra un broch 20-Meter hoge Tsunami-Golfen mit. Se verwöösten de Küsten in Indonesien, Thailand, Sri Lanka un Indien, un weren sogor bet Madagaska un Tansania sichtbor.

Genau teihn Johr na de Tsunami-Katastrooph rund üm den indschen Ozean hebbt tallrieke Minschen de 230 000 Doden gedacht. 

(nahmen ut bild.de)

Heiraadsandrag geiht scheef in’e Nedderlannen un Kraan kracht in Huus

Nedderlannen – De Heiraadsandrag vun en Hollänner is op Saterdag ganz scheefgahn: in’n Oort IJsselstein leet sik en Mann op Saterdag in’n Morgen in de Hööchde liften, üm sien Anbeden de grote Fraag to stellen un en Ständken to quinkeleren. Dorbi dee de meedte Kraan op de Siet krachen – de „Romeo“ kunn noch jüst op Tiet in Sekerheit springen.

De Fründin vun den „Hollänner, de flüggt“, befunn sik in ehr Slaapkamer als de Unfall passeren dee.

De künftige Bruut see liekers „Ja“, luut de nedderlandschen Medien.

Nadem de Polizei den Mann befraagt harr, is dat Poor na Paris gahn, üm de Löfft to fieren.

Bi dat Krachen vun den Kraan in dat Huus vun de Navers is keeneen sehrt worrn.

Ofschoonst dee de Kraan bi en Bergensversöök wedder in’t Huus störten – dat Dack is kumpleet verneelt! De Polizei dee twee ümlegen Gebüüd evakueren. De Hööchde vun dat Saakschaden is nich bekennt.

(nahmen ut metronieuws.nl)

De Geheemnissen achter dat Nirvana-Baby

An'n 24 September 1991 verscheen dat Album 'Nevermind' vun Nirvana. Dat Album weer en groten Spoot, aver dat Cover dorvun weer en Skandaal: dat leet en naakt Baby sehn, wovun de Geslechtsdeel düüdlich to bekennen weer.

„Dat is gresig, dat mi so veel Minschen naakt sehn hebbt – ik föhl mi as de gröttste Pornostar in de Welt“, bekenn de 17-jährige High-School-Schöler Spencer Elden in en Interview mit den Musiksenner MTV. As Baby weer de lütte Spencer 1991 naakt in't Swemmbad vun sien Öllern för dat ne'e Plattencover vun Nirvana fotografeert worrn. Dat Album „Nevermind“ verköff sik bet hüüt mehr as 20. Mio. Maal. Andreven dörch de Rock-Hymn „Smells Like Teen Spirit“ worrn de Musikers vun de Grunge-Band över Nacht Superstars. 

Dat Trio üm den Sänger un Gitarrist Kurt Cobain höör twee Johr dorvör noch to en lütte Indie-Szene. För ehr twete Album „Nevermind“ müss ursprünglich en Archiv-Bild verwennt warrn, doch dat scheen de Plattenfirma Geffen as to düer. 

För $ 200 leten de Öllern vun Spencer ehr Söhn vun den Ünnerwaterfotograf Kirk Weddle naakt in't Swemmbad fotografeert warrn. De an en Angelhaak hungen Een-Doller-Note, na de de lütte Spencer op dat fardige Foto to swemmt, worr later in dat Bild inföögt. In'n Anfang harr de Plattenfirma Geffen Bedenken, dat Bild mit dat naakte Baby as Plattencover to verwennen. 

Denn op dat Foto kunn een düüdlich den Penis vun dat Baby sehn un man weer bang vör Beschülligen vun Pädophilie. Dat letztlich unzensierte „Nevermind“-Cover worr mit den Spoot vun Nirvana weltberöhmt, doch twintig Johr later hett Facebook de glieken Bedenken un zenseert op ehr Sieden dat Plattencover vun de 2011 „Nevermind“-Jubiläums-Editschoon.

Spencer Elden hett dat beröhmte Plattencover övrigens noch twee Maal sülv nastellt: eenmal as 10-jährige, un denn noch eenmal mit 17 Johr för dat Cover vun de amerikaanschen Musiktietschrift „Rolling Stone“. De Nirvana-Musikers hebbt dat beröhmte Cover-Model ok as Vullwassen nie drapen. Dorför hett Spencer sien egen lütten Platz in de Rock-Geschicht, un veel Nirvana-Fans biddt em bet hüüt noch üm en Autogramm op ehr „Nevermind“-Album.

(nahmen ut swr3.de)

Slecht Weder maakt uns harder arbeiden

Vun Kris Allred, Hööftmeteoroloog WSAV. Artikel översett ut:
http://www.wsav.com/story/24668277/bad-weather-makes-us-work-harder

Forschers seggt, dat Störm unse Produktivität stiegen doot. Dann hett jeed Wulk ook en gode Siet…

Vör een Week bewohr uns en Winterstorm vör School un Arbeit. Enige vun uns weren sogor modig noog, na den Laden hen to gahn. Aver Forschers ut Harvard Business School hebbt rutfunnen, dat slecht Weder uns fokusseerter un produktiver maakt.

Se funnen ook rut, dat de Produktivität bi warme un sünnige Daag dramatisch daal. Na… denk dor mal över…

Francesca Gino, assozieerte Lehrersch vun Bedriftsweertschop bi Harvard Business School, schreev dat ‘op Slechtwederdaag Lüüd beter fokuzeert op ehr Arbeit, nich wiel dat se gnatterig sünd aver üm dat se weniger aflenkern Gedanken hebbt över wat se buten doon müchen.

Doch sünd kognitive Aflenkens- un Fehlerprozentsätz höcher op schöne Daag. För de Forschen worrn 200 Vullwassen fraagt, de Infloot vun dat Weder op ehr Produktivität to estemeren. Na ja, över 80% vun jem dachen, dat goot Weder de Produktivität steigert, un över 80% dachen dat slecht Weder de Produktivität verminnert.

Na ja, de Vörutsagen sünd verkehrt.

För de Forschen worrn Daten ut 2007 in Betracht tagen. Sülvst ringe Sicht un extreme Temperaturen passen mit Tieden in de de Produktivität bannig hooch weer.

Vunwegen düsse Befunn spurrt de Forschers de Firmas an, de Wederberichten to konsulteren as se de Personalbestänn plannt.

‚Wenn en Organisatschoon en konsequente Arbeitsutgang beholen müch, denn künn de Wedervörhersaag en weertvulle Faktor to’n Personalmodell wesen‘.

(nahmen ut wsav.com, Borns: technology.com, ablxboston.com, usa-news.com, DM)

De Kultuur achter unse Backsteenhüüs un Vörgoorns, un worüm man jem vör allen in Noordeuropa bemööt

Vörgoorns bestaht woll in Neddersassen un in dat gehele Noorden, aver in annere Delen vun Düütschland bestaht se weniger oder nich. Sünd Vörgoorns en anner Stereotyp vun de lege Lannen?

Wenn man in England reist, finnt man enerwegens Backsteenhüüs mit versorgte Vörgoorn dormit. Wenn man in de Nedderlannen reist, denn finnt man ok sülke prettige Backsteenhüüs mit schöne Vörgoorns. Desülvigen Szenen finnt man wenn he na dat Noorden vun Düütschland forht, bi uns sünd düsse rode backstenen Wahnhüüs mit Sorgfoolt un Leevde maakt ganz wennt, aver wull man in Frankriek gahn oder in Süüddüütschland, funn man keen sülke Hüüs mit jeed ehr Vörgoorntjen.

Villicht gellt dat Vörgoornmaken oder Backsteenboen alleen man kennteken Noordeuropääsch, üm dat man sülke Szenen vörallen in England, de Nedderlannen oder Noorddüütschland mööt.

Franzöösche Premierminister Ayrault rutsmeten dörch Hollande

De franzöösche Premierminister Marc Ayrault worr vundaag üm 15 Uhr rutsmeten dörch Präsident François Hollande. Dat kümmt vunwegen de monumentelle Winnen vun de rechtersiedliche Parteien in de Gemeenwahlen, de de linkersiedliche Partei vun de Regeren (un düs ook de Regeren) verlach.

Verbrennt, överfullen, afschaten - Theorien üm Flucht MH370

Vun Gesa Mayr un Benjamin Schulz, Der Spiegel Online. Artikel översett ut:

http://www.spiegel.de/panorama/vermisste-boeing-theorien-zu-flug-mh370-a-959570.html

En Füer brickt ut, de Frachtstuuv füllt sick mit Smook, de Kommunikatschoonssysteem an Boord fallt ut: alleen een vun de verscheden Szenarien, de dat Verdwienen vun Flucht MH370 verkloren kunn.
Veel Theorien sünd in'n Ümloop - en Överblick.

Hamburg - Jede Dag gifft dat ne'e Informatschonen, doch se vertüdelt ehr, staats Licht in den Fall to bringen. Ne'e Szenarien üm dat Verdwienen vun den Fleger maakt de Runn, utsluten lett sick kuum wat - dorto mutt man Daten hebben, siet se woll noch de Ünnersöken vun dat Wrack levern könen schullen.

Männige Verklorens sünd mööglich, man sülvst bi de Dichtstliggen gifft dat Swackstellen. Welke Szenarien sünd in'n Ümloop? Dat is de grote Fraag woran de Ünnersökens Antwoort versöökt to geven.